Presidenti Meta është shprehur se duhet të nisë menjëherë zbatimi i rekomandimeve të Komisionit të Venecias. Ai ka përcjellë një reagim pas intervistës së një prej anëtarëve të Komisionit të Venecias.
Kreu i Shtetit teksa ka shpërndarë intervistën e Anëtares së Komisionit, Prof. Angelika Nussberger, shkruan se raporti nuk ka asnjë vend për interpretim.
Ai nënvizon që në krye të një statusi të shpërndarë në Facebook, se është koha për zbatimin korrekt të rekomandimeve të Komisionit të Venecias, përmes bashkëpunimit transparent dhe konstruktiv.
Statusi
PO, NUK KA MË VEND PËR INTERPRETIME!
Tani është koha për ZBATIMIN KORREKT të REKOMANDIMEVE të Komisionit të Venecias, përmes BASHKËPUNIMIT TRANSPARENT dhe KONSTRUKTIV.
Është shumë e rëndësishme që Komisioni i Venecias do të ndjekë edhe zbatimin e rekomandimeve të tij të fundit për Gjykatën Kushtetuese dhe Gjykatën e Lartë.
Po kështu rekomandimet e Komisionit të Venecias janë në ndjekje nga Parlamenti Europian dhe vendet anëtare. Kjo është e vetmja rrugë drejt çeljes së negociatave dhe funksionimit të shtetit ligjor. ????
