Hygerta Sako, këngëtarja e muzikës popullore Valbona Mema dhe ish-fituesi i “Big Brother” Vesel Kurtishaj janë deri më tani tre personazhet e konfirmuar të “Big Brother VIP” në Top Channel.
Gjatë këtij sezoni, në shtëpinë e “Big Brother” do të jenë njerëz të famshëm, të cilët duhet të mësojnë të jetojnë larg komoditeteve të jetës së përditshme. Duke iu referuar burimeve të “Panorama Plus”, thuhet se drejtuesit e formatit kanë hyrë në bisedime edhe me këngëtaren Bleona Qereti, por ajo nuk ka pranuar për shkak të pagesës së ofruar.
Pritet që emrat e tjerë të zbulohen së shpejti, në formatin që i është besuar Arbana Osmanit dhe që do të ketë për regjisor partnerin e saj, Eduart Grishaj.
.
