U bë një kohë e gjatë që publiku nuk po ndjek “Big Brother Albania”. Në ato vite të arta, publiku kishte të gjithë vemendjen, duke pritur jetesën brenda mureve të shtëpisë më të madhe në Shqipëri. Shpesh herë, moderatorja Arbana Osmani është pyetur nga ndjekësit e shumtë në rrjetet sociale, nëse do rifillonte “Big Brother”.
Por duket se pritjes së gjatë i ka ardhur fundi. “Top Channel” do të rikthejë në ekran reality shoë-n “Big Brother Albania”, i cili do të mbahet në ambientet e studiove të reja “Nova”, ku është ndërtuar shtëpia e konkurrentëve. Për të gjithë ju që jeni të interesuar për tu bërë pjesë e këtij formati, do ju duhet të prisni edhe pak. Pasi ndryshe nga edicionet e shkuara, pjesëmarrës do të jenë vetëm VIP-at. Shumë shpejt do të nisin audicionet për banorët e shtëpisë më të famshme në Shqipëri.
Njoftimi
“Big Brother Vip’ vjen në Top Channel/ Së shpejti nisin audicionet për banorët e shtëpisë. Shtëpia më e famshme e Shqipërisë së shpejti do të rihapë dyert për banorët e saj.
Por këtë radhë ka një ndryshim, aspak të vogël… ata janë të gjithë PERSONAZHE VIP. Në udhëtimin e tyre banorët do t’u nënshtrohen kushteve të pazakonta, brenda një shtëpie që askush s’e kishte imagjinuar, larg luksit, larg komoditeteve të jetës së përditshme. Top Channel ka blerë të drejtat ekskluzive për realizimin e këtij spektakli dhe studiot dhe ambjentet ku do qendrojne te famshmit e “Big Brother Vip” te edicionit te pare janë gati. Studio me e re e Top Channel, me emrin Nova është ndërtuar për spektakle të tilla madhështore”, thuhet në njoftim.
View this post on Instagram
Pyetja e cila na lind krejt natyrshëm është nëse do ta moderojë Arbana apo dikush tjetër?! Faktori kohë do e tregojë edhe këtë gjë….Ne s’na mbetet gjë tjetër, veçse të presim!
