Kreu i Partisë Demokratike, Lulzim Basha ka mbledhur sot Kolegjin e Kryetarëve, ku është diskutuar data e protestës së radhës së opozitës.
Mësohet se protesta do të mbahet më 11 maj, në orën 18:30, ashtu si protesta e kaluar e cila u mbajt gjithashtu pasdite.
Kjo është protesta e dhjetë e opozitës së bashkuar, ku kërkohet largimi i kryeministrit Rama dhe krijimi i një qeverie tranzitore, si dhe mbajtja e zgjedhjeve të parakohshme.
Ndërkohë mbledhja e Partisë Demokratike, në të cilën kreu i PD-së Lulzim Basha po diskuton me aleatët opozitarë, ende vazhdon.
