Deputeti i Partisë Demokratike, Oerd Bylykbashi ka akuzuar kryeministrin Rama se po mbron Tahirin, duke përdorur Prokurorinë dhe Policinë e Shtetit.
Në një deklaratë të shkurtër për mediet nga Kryesia e Kuvendit, Bylykbashi tha se Rama po bllokon hetimin e dosjes Habilaj me ekstradimin e financierit Nazer Seitit.
Fjala e Bylykbashit:
Edi Rama, në vend që të dorëzojë në ekstradim kriminelë të dënuar për trafik droge si Agron Xhafaj, i liron me vendim gjykate që të mos ekstradohen. Personat që janë në hetim për trafik droge, dëshmitarin kyç Seitaj, me vendim gjykate e transferon në Itali, për të bllokuar hetimin e çështjes Habilaj dhe Tahiri.
Rama po bën çmos, duke vënë në dispozicion prokurorinë e policinë që të mbrojë Saimir Tahirin dhe kështu veten e vet. Pa u dënuar Tahiri, Rama nuk mund të bëjë drejtësi për shqiptarët.
