Bota e futbollit po zien gjatë orëve të fundit, nga lajmi i largimit të Lionel Messit nga Barcelona. Siç duket, ky lajm nuk është thjeshtë një thashethem, pasi argjentinasi duket se e ka mirëmenduar mirë.
Sulmuesi 33-vjeçar raportohet se ka paraqitur një faks, me të cilin kërkon ndarjen nga gjiganti katalan.
“TyC Sports” ka publikuar atë që besohet të jetë faksi i Messit i paraqitur tek klubi nga Camp Nou. Data e dërgimit të tij është 25 gusht, ku ai shkruan se kërkon që të ndërpritet kontrata e marrëdhënies së punës.
Po kështu ai thekson se vlerëson të gjitha mundësitë për rritjen personale, dhe përgatitjen profesionale që i është ofruar.
Letra e Messit:
Përmes kësaj letre, unë, Lionel Andrés Messi Cuccittini, me DNI XXXXX, kërkoj që të ndërpritet kontrata e marrëdhënies së punës që aktualisht kam në klubin tuaj të shquar, bazuar në klauzolën numër 24 që më lejon të shfrytëzoj atë fuqi.
Vlerësoj të gjitha mundësitë për rritjen personale dhe përgatitjen profesionale që më janë ofruar gjatë kohës që kam punuar.
Mësime që më lejuan të konsolidoj profilin tim teknik dhe njerëzor; por për arsye personale, këtë vendim të vështirë shpresoj se do ta marrë bordi drejtues në mënyrën më të mirë. Sinqerisht i juaji.
