Sizmologu Edmond Dushi shprehet se aktiviteti sizmik në vendin tonë është zvogëluar. Për këtë arsye, Dushi iu bën thirrje qytetarëve që të mos frikësohen.
Në një prononcim dhënë për “Vizion plus”, Dushi e cilëson diçka normale vazhdimësinë e lëkundjeve sizmike edhe pas dy javësh nga tragjedia e 26 nëntorit.
“Gjatë natës janë regjistruar disa mikrotërmete ku vetëm një ishte me magnitude të lartë 4.1 i shkalles rihter. Aktiviteti sizmik qe nga tërmeti i forte i 26 nëntorit ka ardhur duke u reduktuar. Nuk ka më vend për panik”, deklaroi Dushi.
