Të gjithë banorët në vend duhet të qetësohen, pasi rreziku më i madh nga tërmetet ka kaluar. Ky konfirmim ka ardhur nga sizmologu Edmond Dushi. I ftuar në Open në Top Channel, sizmologu tha se tërmetet nuk mund të parashikohen, por rreziku tashmë mund të quhet i kaluar. Dushi shtoi më tej se tashmë janë pas goditjes, dhe se zona është duke u relaksuar.
“Ne nuk e prisnim, pasi siç thashë, tërmeti nuk parashikohet, por ne i monitorojmë dhe deri tani mendojmë se rreziku më i madh ka kaluar, është drejt shuarjes, tani janë pas goditjet. Ne shohim ritmin e ndodhjes së këtyre tërmeteve, dhe mendojmë që zona është duke u relaksuar”, tha Dushi.
Po tërmetet e vogla sa vazhdojnë?
“Mund të vazhdojnë javë dhe muaj, në varësi të magnitudës së tërmetit kryesor”, tha ai.
