Zjarret në Turqi kanë shkaktuar një bilanc tragjik, ku deri më tani janë konfirmuar 8 persona të vdekur. Autoritetet turke kanë njoftuar se më shumë se 100 zjarre që kanë shpërthyer në Turqi gjatë pesë ditëve të fundit, janë vënë nën kontroll. Megjithatë, zjarret vazhdojnë ende në Manavgat, Marmaris dhe Milas, sipas ministrit të Bujqësisë dhe Pyjeve Bekir Pakdemirli.
Për fat të keq, tetë persona kanë humbur jetën si pasojë e zjarreve në brigjet jugore të Turqisë. Zjarrfikësit po punojnë intesivisht, për të shuar zjarret pranë vendpushimeve bregdetare.
Dy persona humbën jetën në qytetin Manavgat, sipas një njoftimi nga Ministri i Shëndetësisë Fahrettin Koca, ndërsa dhjetë të tjerë u dërguan në spitalet lokale, për të marrë trajtim.
Qeveria turke ka premtuar rindërtimin e shtëpive të dëmtuara, dhe kompensimin e banorëve. Rusia, Ukraina, Irani dhe Azerbajxhani kanë dërguar ndihmë, për të mbështetur zjarrfikësit vendas.
