Kryeministri i Kosovës, Ramush Haradinaj, me anë të një statusi në rrjetin social “Facebook” shkruan se ka ofruar të gjithë ndihmën e mundshme për Shqipërinë.
Gjithashtu kreu i qeverisë së Kosovës, ka urdhëruar ministrin e Sigurisë së Kosovës, Rustem Berishën që të ndërmarrë të gjithë veprimet e nevojshme për t’i dalë në ndihmë banorëve të përmbytur në Shqipëri.
Statusi i plotë i Kryeministrit të Kosovës, Ramush Haradinaj:
I ofrova Republikës së Shqipërisë ndihmen e gjithanshme të Qeverisë së Kosovës pas përmbytjeve nga shirat e rrëmbyeshëm që kanë përfshirë Shqipërinë.
E udhëzova Ministrin e Forcës së Sigurisë së Kosovës, Rrustem Berisha, që të ndërmarrë të gjitha veprimet e nevojshme për t’i dalë në ndihmë shtetit shqiptar dhe banorëve të zonave të përmbytura.
