Situata në Rinas, Unioni i Kontrollorëve të Rajonit: Nxisim negociata

Unioni i Kontrollorëve të Rajonit, ka reaguar në lidhje me situatën në aeroportin e Rinsait, ku kontrollorët e Albcontrol bojkotuan punën.

Ata shprehen se kushtet e punës janë parakushti më i rëndësishëm për një trafik ajror të sigurt dhe nxisin negociata mes palëve për një zgjidhje.

Unioni nxit negociata mes zyrtarëve shqiptarë dhe përfaqësuesve të Kontrollorëve të Trafikut Ajror dhe për një marrëveshje të përbashkët në vijim.

“Me keqardhje të madhe kemi marrë lajmet për Kontrollorët e Trafikut Ajror në Shqipëri. Kushtet e punës të Kontrollorëve të Trafikut Ajror janë parakushti më i rëndësishëm për një trafik ajror të përpiktë dhe të sigurt.

Ne e kemi provuar profesionalizmin dhe dedikimin për profesionin tonë dhe kjo nuk mund të vihet kurrë në pyetje. Burgosja ose keqtrajtimi i kontrollorëve të Trafikut Ajror nuk është zgjidhje dhe nuk do të zgjidhë problemet e krijuara nga pandemia.

Ne nxisim negociata mes zyrtarëve shqiptarë dhe përfaqësuesve të Kontrollorëve të Trafikut Ajror dhe për një marrëveshje të përbashkët në vijim. Qëndrojmë pranë kolegëve tanë në Shqipëri. Ata dhe familjet e tyre janë në mendimet dhe lutjet tona”.