Kryeministri Edi Rama ka reaguar për herë të parë lidhur me situatën kaotike të krijuar në Kakavijë.
Përmes një postimi në Instagram, Rama thekson se qeveria shqiptare është në komunikim të vazhdueshëm me palën greke për lehtësimin e procedurave.
Ai thekson se procedurat janë të njëjta në çdo pikë hyrëse të Greqisë, për qytetarët e çdo vendi, përfshirë edhe qytetarët grekë që hyjnë në një kufi.
“Në ndërkohë Forcat e Armatosura dhe strukturat bashkiake të Gjirokastrës, Këlcyrës, Dropullit, Tepelenës e Përmetit, e kanë gdhirë me qytetarët që qëndrojnë në radhë në Kakavijë duke ofruar ndihmë shëndetësore, ndihma ushqimore, ujë të pijshëm dhe asistencë për higjienën sanitare në terren”, shkruan ai.
Kujtojmë se paraditen e sotme humbi jetën një 10-vjeçar në Kakavijë, i cili u përplas nga një autoambulancë.
https://www.instagram.com/p/CD54YZYJBXO/?utm_source=ig_web_copy_link
