E enjte, 20 Janar, 2022
-1.5 C
Tirana

Sistemi TIMS e nxjerr në Qafë-Thanë, qytetari gjobitet nga policia në Lezhë

Gazetarët e emisionit Stop në Tv Klan kanë udhëtuar drejt Lezhës për problematikën e radhës. Një qytetar, i cili banon në Pogradec, ankohet se ka marrë një gjobë në Lezhë në një kohë që nuk ka qenë fare në këtë qytet.

Por në datën që rezulton të jetë vendosur gjoba, në 14 Nëntor 2020, ka kaluar kufirin nga Qafë-Thana drejt Maqedonisë së Veriut.

Ylli Kadiasi tregon se kur e ka ndaluar një polic, i ka thënë se në sistem del një gjobë e marrë në Lezhë, kur ai nuk ka qenë në këtë qytet, por rrugës për në Maqedoni. Ylli Kadiasi shprehet se nuk është ndonjë vlerë e madhe gjoba, por nuk ka pse ta paguajë.

Ylli Kadiasi: Kam makinën e djalit në përdorim se djali është jashtë shtetit. Më kanë vënë një gjobë në Lezhë më datën 14 Nëntor 2020, që unë nuk kam qenë asnjëherë në qytetin e Lezhës se nuk më lidh puna. Atë ditë unë kam shkuar në Maqedoni me familjen edhe kur më ka zënë një polic në Pogradec më ka thënë ke një gjobë tjetër në Lezhë. Si është e mundur që mos më lajmërojnë mua për këtë fakt, sepse unë atë gjobë nuk e kam paguar akoma sepse nuk kam qenë në kontakt me Lezhën. Kontaktova me Policinë e Pogradecit që mora gjobën kur e konstatova dhe më thanë duhet të shkosh në Lezhë të bësh denoncim. Më vjen inat përse e kanë bërë. Nuk e kam paguar dhe nuk e paguaj.

Gazetarja e Stop shkoi në Komisariatin e Policisë Lezhë për të verifikuar rastin, ku punonjësja i tha se ndodh që të bëhen edhe gabime.

Gazetarja: Ka një foto, që i është bërë nga punonjësi i policisë?

Punonjësja: Absolutisht, do të bëjmë verifikimet! Ndodh, që mund të jetë bërë një gërmë gabim dhe mund të jetë hedh në sistem gabim, sepse duke qenë, se punojmë edhe me këto tabletat, na ndodh, që ne shkrujm një mesazh dhe një shkronjë e ka marrë gabim, ose një numër, ose nuk është kuptuar shkrimi i punonjësit të policisë.

Gazetarja: Si vërtetohet, nëse nuk ka një foto të dokumentuar?

Punonjësja: Prandaj kanë thënë, që mund të bëni ankimimin në Gjykatë Administrative, për shkak se…

Gazetarja: Ai nuk do bëjë ankimim në Gjykatë për atë gjobë. Ju, policin e morët?

Punonjësja: E morëm dhe e pyta, mos ka ndonjë foto, që vërteton, që mjeti ka qenë i pushuar në atë vend. Dhe tha, që nuk disponoj një foto dhe nuk më kujtohet. E morëm, e pyetëm, i pamë bllokun. I pamë të gjitha, po nuk e dispononte me foto. Për ta ankimuar në Drejtorinë Vendore të Policisë Lezhë, ka një afat të përcaktuar. Duke qenë se i ka mbaruar afati i përcaktuar, sepse gjoba, nga ana ligjore, është e rregullt.

Gazetarja: Por edhe një provë, që tani qytetari po kërkon për këtë gjobë, që ka marrë në muajin nëntor nuk është se ka.

Punonjësja: Nuk e ka.

Gazetarja: Ndërkohë që ai ka një provë, që ka qenë në Qafë-Thanë, në datën 14 nëntor, apo jo?

Punonjësja: Tani, ne i jemi përgjigjur pyetjes “a dispononi një foto” dhe kemi thënë, që nuk e disponojmë. Dhe po them, që e vetmja mënyrë për këtë masë administrative, është Gjykata Administrative, se për shkak, se ne na kanë mbaru afatet…

Gazetarja: Kështu veprojnë të gjithë, nuk bëjnë foto në momentin, që vendosin gjobë?

Punonjësja: Jo, në fakt praktikë është, që bëhet foto, por ndodh, që ndonjë punonjës policie nga ngarkesa dhe nuk e bën. Ne nuk po themi, që nuk është ashtu sic mund të pretendojë shtetasi në fjalë.

Gazetarja: Po mirë, ky polici, që nuk e mban mend, ta marri dhe t’ia paguajë gjobën qytetarit!

Punonjësja: Po dhe kështu mund të veprohet.

Gazetarja: Ta paguajë dhe është në rregull, e shlyen!

Punonjësja: Po dhe kështu mund ta bëjmë.

Përmes sistemit TIMS, ne provojmë se në datën 14 Nëntor 2020, qytetari Ylli Kadiasi ka qenë duke kaluar në orën 12:00 në pikën kufitare të Qafë-Thanës, ndërkohë që gjoba është vënë në orën 08:00 në Lezhë. /tvklan.al

- Reklama -

Më shumë nga kategoria




Të fundit

Çmimet e reja në Kosovë, si do të llogaritet fatura e energjisë së shpenzuar

Zyra e Rregullatorit të Energjisë ka publikuar një kalkulator për llogaritjen e faturave të energjisë elektrike, pas propozimit për ndryshim të tarifave. Në këtë...

Rënie e lehtë e euros dhe paundit britanik, këmbimi valutor për ditën e sotme

Në kursin e këmbimit valutor, sot vihet re një rënie e lehtë e euros dhe paundit britanik. Ndërkohë, dollari dhe franga zvicerane kanë shënuar...

Kosovë/Omicron rriti infektimet, sot pritet të diskutohet për masat e reja

Varianti Omicron ka shtuar frikshëm infektimet në Kosovë, e ndërsa pritet nga ekspertët që të shtrëngohen sot masat anti-COVID. Në total numri i rasteve aktive...

Përfshihet nga flakët një apartament në zonën e Freskut në Tiranë

Një banesë në zonën e Freskut në Tiranë, është përfshirë nga flakët. Flakët e zjarrit kanë përfshirë banesën e marrë me qira nga shtetasja...

Ngrica, dëborë dhe temperatura deri në -4 gradë celcius

Moti në vendin tonë do të karakterizohet kryesisht nga kthjellime dhe vranësira të lehta, veçanërisht në Ultësirën Perëndimore. Ndërsa zonat përgjatë kufirit lindor, do...