E shtunë, 12 Qershor, 2021
27.5 C
Tirana

Sindroma e Havanës: Çfarë ndodhi me diplomatët amerikanë në vendin komunist?

Nga: Nestor T.Carbonell “National Riview”

Departamenti i Shtetit, CIA dhe Pentagoni kanë shtuar përpjekjet e tyre për të hetuar një seri incidentesh shëndetësore, të konsideruara si “sulme me energji të drejtuar”, të cilat kanë dëmtuar diplomatët amerikanë në Kubë, Kinë, Rusi dhe gjetkë.

Tani kemi mësuar se SHBA-ja po heton gjithashtu sulmet e dyshuara në Miami dhe pranë Shtëpisë së Bardhë. Ky mister shumë shqetësues dhe ende i pazgjidhur, me pasoja njerëzore por sidomos për sigurisë kombëtare, po vazhdon prej më shumë se 4 vjetësh.

Sulmet e para ndodhën në nëntorin e vitit 2016 në Kubë. Diplomatët amerikanë dhe oficerët e CIA-s atje,nisën të vuanin nga ajo që u quajt si “Sindroma e Havanës”. Simptoma dobësuese – marramendje të formës së rëndë, lodhje fizike, dhimbje koke dhe humbje e dëgjimit, kujtesës dhe ekuilibrit –  detyruan Uashingtonin të evakuonte viktimat për trajtim të zgjatur spitalor dhe në disa raste t’i nxirrte ata në pension të parakohshëm.

Deri në fundin e vitit 2017, më shumë se 24 pjesëtarë të personelit të ambasadës amerikane në Kubë, kishin shfaqur simptoma të tilla. Administrata Trump riktheu më shumë se gjysmën e stafit të ambasadës dhe anëtarët e familjes së tyre, dhe lëshoi ​​një paralajmërim për amerikanët që shkonin në Havanë.

Në kundërpërgjigje të dështimit të Kubës për të mbrojtur zyrtarët amerikanë në përputhje me Konventën e Vjenës, Departamenti i Shtetit dëboi 15 diplomatë kubanë nga SHBA-ja. Përveç kësaj, nga pranvera e vitit 2017 deri në vitin 2019, më shumë se 14 zyrtarë kanadezë të vendosur në Kubë thuhet se “u goditën” dhe përjetuan simptoma të ngjashme.

Disa prej tyre paditën qeverinë kanadeze për minimizimin dhe keq-trajtimin e sëmundjes misterioze. Ndërkohë,Ministri i Jashtëm i Kubës mohoi çdo dijeni për këto incidente të raportuara shëndetësore. Ai i cilësoi simptomat si “trillime shkencore”, dhe e quajti si “jashtëzakonisht politike”lëvizjen e Uashingtonit.

Teoritë fillestare të asaj që e shkaktoi sëmundjen kishin variante të ndryshme:nga një mjedis stresues, tek një virus, pesticidet toksike apo ekspozimi ndaj valëve akustike apo zanore. Pasi ekzaminuan 21 nga zyrtarët e prekur amerikanë në Kubë, një ekip mjekësor nga Qendra e Universitetit të Pensilvanisë për Lëndime dhe Rigjenerimin e Trurit, i përshkroi simptomat në marsin e vitit 2018 si të “shkaktuara nga një burim i panjohur energjie”.

Drejtori i qendrës, dr.Daugllas H.Smith, deklaroi më vonë se mikrovalët konsideroheshin si shkaku kryesor i simptomave në fjalë, duke shtuar se ekipi i mjekëve ishte gjithnjë e më i sigurt se zyrtarët amerikanë në Kubë, kishin pësuar dëmtime në rrjetet e përhapura të sistemit nervor.

Sipas zbulimeve të vitit 1961-1962 të biologut amerikan Alan H.Frej, rrezet me mikrovalë me intensitet të lartë, mund të prodhojnë ndjesinë e zhurmave të çuditshme të forta që mund të shkaktojnë dëmtime të trurit pa pësuar ndonjë traumë në kokë.

Siç shpjegohet edhe nga ekspertët e inteligjencës, për të nisur një sulm të tillë mjafton një antenë satelitore e montuar në një furgon të vogël, e cila mund t’i drejtojë mikrovalëve aty ky synohet, përmes mureve dhe dritareve, dhe nga disa km larg objektivit.

Pastaj në mesin e vitit 2018, rreth 11 diplomatë amerikanë dhe oficerë sigurie me banim në Kinë, pjesë e konsullatës amerikane në qytetin Guangzhou, u evakuuan pasi kishin shfaqur të njëjtat simptoma që ishin raportuar në Havana.

Sipas oficerëve aktualë por edhe ish-oficerëve të inteligjencës, e dyshuara kryesore pas këtyre sulmeve është Rusia, një kundërshtare e Amerikës, e armatosur me teknologji që përdorin armë të tilla, dhe që nën presidentin Putin është angazhuar në helmime,dëmtime apo neutralizimin e armiqve të saj.

Gjatë Luftës së Ftohtë, Uashingtoni kishte frikë se Moska po e shndërronte rrezatimin me mikrovalë në një armë të fshehtë, që mund të prodhonte pasoja nervore tek njeriu. Agjencia Amerikane e Inteligjencës së Mbrojtjes, paralajmëroi në vitin 1976 se kërkimet sovjetike mbi mikrovalët, tregonin premtime të mëdha për “ndikimin e sjelljes së personelit ushtarak apo diplomatik”.

Simptomat e dëmtimit të trurit të përjetuara nga oficerët e CIA-s në misionet e inteligjencës në Rusi, Poloni, ish-satelitin Sovjetik të Gjeorgjisë, Tajvan dhe Australi nga viti 2017 në vitin 2019, vetëm sa përforcuan dyshimin e përfshirjes së Rusisë.

Një nga oficerët e prekur, Mark Polimeropulos, që ishte zëvendës shef i operacioneve të CIA-s për Qendrën e Misionit Evropë dhe Euroazi, e ndau përvojën e tij në një intervistë për revistën “GQ”. Pas një vizite të shkurtër në Moskë, ai pësoi migrenë gjatë gjithë ditës nga një dëmtim në tru, dhe u detyrua të dilte në pension më moshën 50 vjeçare.

Një raport i dhjetorit i vitit 2020, i porositur nga Departamenti i Shtetit dhe i përpiluar nga 19 ekspertë në mjekësi dhe fusha të tjera, konfirmoi gjetjet e mëparshme. Ekspertët zbuluan prova të forta se sëmundja misterioze ishte shkaktuar nga energjia e radiofrekuencës, një lloj rrezatimi me mikrovalë.

Ata shtuan se sulmet ishin rezultat i energjisë së “drejtuar’, duke nënkuptuar se viktimat ishin shënjestruar. Pas më shumë se 4 vitesh sulme të ndyra kundër dhjetëra zyrtarëve amerikanë, administrata e Xho Bajdenit, duhet të përfundojë sa më shpejt që të jetë e mundur hetimet mbi këtë çështje, dhe t’i kërkojë përgjegjësi autorëve të krimit.

Nëse nuk është Rusia, siç duket se tregojnë provat, atëherë kush?Në rastin e Kubës -me një shtet policor që mbikëqyr çdo lagje – nuk ka gjasa që sulmet e shumta në ishull, të jenë kryer pa bashkëpunimin e Kastros dhe politbyrosë së tij.

Në rast se CIA e konfirmon përfshirjen e regjimit kuban, këtij kombi nuk duhet t’i jepet mundësia e zbutjes së marrëdhënieve. Përvoja na tregon se falja e së keqes, sjell akoma më shumë të këqija.

Burimi i lajmit: https://www.nationalreview.com/2021/05/the-havana-syndrome-unraveling-the-mystery/

Përshtatur nga TIRANA TODAY

- Reklama -

Më shumë nga kategoria




Të fundit

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...

Të shtëna me armë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...