E mërkurë, 24 Nëntor, 2021
7.5 C
Tirana

Impotenca seksuale dhe kurimi/ Sa e njohin meshkujt shqiptarë andrologun?

Të kesh probleme me ereksionin, me uljen e dëshirës seksuale apo me frikëra të ndryshme nuk është diçka e jashtëzakonshme.  Por të diskutosh dhe të gjesh zgjidhje nuk është aspak e lehtë për shkak të paragjykimeve që kanë mjaft njerëz në hapjen e bisedave të tilla me mjekun edhe për ta ky problem mund të kthehet në një tronditje familjare.

Andrologu Dr. Evi Dani, shprehet për se është me shumë rëndësi që meshkujt të gjejnë rrugët që problemin e tyre ta diskutojnë me mjekun që të shmangin jo vetëm pasojat shëndetësore por edhe ata që më pas vendosin për rrjedhën familjare. ”Mashkulli, përpara një problemi seksual frikësohet, trembet, ai ndjen ankth e pasiguri. Por unë i rekomandoj të gjithë meshkujt që ta kontrollojnë veten e tyre, pasi kështu ata do të kenë një jetë të qetë e të sigurt shëndetësore,” shprehet Dani, duke shpjeguar se, problemet e organeve seksuale te meshkujt, sigurisht që janë të veçanta. “Shpesh problemet e meshkujve konsiderohen nga kushdo jetë private dhe sekrete. Çdo pacient ka një farë ngurrimi, për ta trajtuar problemin e tij te mjeku androlog”, shprehet Dani.

Pyetja që më së shumti i bëhet “në intimitet” ka të bëjë me zgjatjen e ereksionit, ku jo pak meshkuj ankohen lidhur me kohën e shkurtër në këtë proces, që duket se i privon edhe nga kënaqësia që ëndërrojnë të marrin. “Nëse e mbani mendjen gjithë kohën se si ta zgjasni ereksionin, do të ndjeni presion në vetvete dhe nuk do të arrini kurrë ta bëni një gjë të tillë. Më parë duhet të qetësoheni dhe t’i gëzoheni çdo momenti që kaloni në intimitet me partneren tuaj, pa qenë nevoja për një ereksion shumë të gjatë. Edhe zgjatja e ereksionit më shumë se normalja, është shumë i dëmshëm. Nëse partnerja juaj është e kënaqur, duhet të jeni edhe ju. Lojërat paraprake, siç është preludi i dashurisë, janë një akt shumë i mirë për të zgjatur intimitetin”, shprehet Dani teksa i drejtohet një të riu që duket se ka problemin se nuk do të duket një mashkull i aftë përballë partenres.

Doktor Dani shpjegon se mund të ndodhë edhe  ulja e nivelit të testosteronit te një mashkull. Në këtë rast ai sugjeron konsulta dhe analiza që të rikthejë nivelin e testosteronit, që të ketë një jetë të shëndetshme seksuale. Gjithashtu, edhe diabeti ndikon në uljen e potencës seksuale. Ai shpjegon se shumë meshkuj kërkojnë përdorimin e preparateve të ndryshme për të rikthyer jetën seksuale.

“Përveç viagrës që merret për rritjen e potencës seksuale, ka edhe ilaçe të tjera, siç janë Levitra dhe Cialis. Një metodë tjetër është dhe injeksioni intrakavernoz, i cili ka një efekt shumë të mirë. Megjithatë, unë do të rekomandoja këdo që të fliste më parë me mjekun specialist dhe me mjekun androlog , e më pas të këshillohet se çfarë mund të përdoret.

Ndërkaq, Dani tërheq vëmendjen për kujdes ndaj fëmijëve kur kalojnë sëmundjen që njihet si “shytat”.  “Po të trajtohen siç duhet shytat dhe të mos kalojnë në infeksion, nuk rrezikon të bëhet steril. Shytat janë një sëmundje virale që shkakton imunitet të përhershëm. Çdo dëmtim i organeve të riprodhimit nga orkidet apo infektimi i tyre, bëhet premisë për dëmtimin e tubave seminite, përgjegjëse për prodhimin e spermatozoidëve. Kështu, duhet patur kujdes, ato duhet të trajtohen siç duhet që të mos kalojnë në infeksion”, thotë Dani./ Tirana Today

 

- Reklama -

Më shumë nga kategoria




Të fundit

Sherr mes adoleshentëve në Tiranë, plagoset 17-vjeçari

Një sherr për konflikte të dobëta ka ndodhur në zonën e Laprakës, në Tiranë. Një 17-vjeçar me inicialet A. S., ka përfunduar në spital...

Mbi modelin Ramiz Alia

Nga: Genc Pollo Në 31 mars 1991, katër muaj pas themelimit të Partisë Demokratike, u mbajtën zgjedhje parlamentare, të cilat, për herë të parë mbas...

Fuste në vend mallra “si ndihmë humanitare”, procedohet përfaqësuesi i shoqatës

Dogana ka goditur një skemë mashtrimi. I referohemi një rasti me mallra të importuara “si ndihmë humanitare”. Nga skema e ngritur, përfaqësuesi ligjor i...

Ringjall fantazmën Millosheviç/Meta sulmon ‘Open Balkan’ dhe ‘shigjeton’ Ramën

Nisma e "Ballkanit të Hapur" nga Prishtina është sulmuar nga kreu i shtetit, Ilir Meta. Për të, kjo nismë rivalizon procesin e Berlinit dhe...

“VIDEO 3D” e aksidentit në Bullgari, si u përplas autobusi

Në mediat maqedonase është publikuar një video 3D ku tregon skenën si ndodhi aksidenti tragjik me 46 të vdekur në Bullgari. Aktualisht ka komente...