Silvio Berluskoni që sot mbush 84-vjeç, është një nga politikanët më të pazakontë në botë. Ai e ka dominuar politikën italiane që nga viti 1994, kur klasa e vjetër u diskretitua nga skandalet e mëdha të korrupsionit.
I lindur në familjen e një bankieri, Silvio e ushtroi që i vogël pasionin e tij për të bërë biznes, duke shitur akullore në rrugë. Më vonë u morr me shumë gjëra.
Madje për disa kohë këndoi në një klub nate. Ndërtimi i siguroi sukses dhe famë në mbarë vendin. Ai themeloi rrjetin televiziv Mediaset, dhe pati për 31 vite në pronësi ekipin e Milanit.
Gjatë 4 herëve si kryeministër, u akuzua për skandale korruptive, seksuale, si dhe për lidhje me mafien. Është dënuar disa herë, dhe dënimin e fundit e ka shlyer me punë në komunitet.
Vazhdon të drejtojë partinë e tij, Forza Italia, që e ka humbur shkëlqimin e dikurshëm. Pavarësisht moshës së thyer, Berluskoni vijon të mbetet në skenën politike.
Me një pasuri 9 miliardë $, ai synon të jetojë sa më gjatë. Por problemet shëndetësore vazhdojnë ta përndjekin. Aktualisht është sëmurur për të dytën herë nga Covid-19.
TIRANA TODAY
