Tërmeti i 26 nëntorit ka sjellë pasoja katastrofike për Shqipërinë.
Meteorologët kanë parashikuar se pas lëkundjeve të tërmeteve, vendi do të përfshihet nga një mot i paqëndrueshëm.
Sinoptikania Adiola Bani është shprehur për “News 24” se në vendin tonë do të ketë shira e rrebeshe në ditët në vijim.
“Mesdita e sotme do të sjellë shira të dendur, që do të jenë edhe në formën e rrebesheve. Do të ketë shira dhe do të jetë situatë më problematike. Deri në fundjavë nuk do kemi luhatje të mëdha të temperaturave, duke pasur temperatura nga 19-20 gradë celsius”, deklaroi Bani.
