Spanja është një nga vendet më të goditura në botë nga COVID-19, ndërkohë sa i përket të dhënave të fundit, thuhet se ka një ulje të vogël të numrit të viktimave, krahasuar me një ditë më parë.
Raportohet se në harkun kohor të 24 orëve, janë regjistruar 523 viktima, duke e çuar numrin total të tyre në 18579.
Sipas Ministrisë së Shëndetësisë në Spanjë, numri i rasteve të konfirmuara ka arritur në 177633 dhe prej tyre 70853 persona janë shëruar nga koronavirusi.
Më herët, kryeministri spanjoll, deklaroi se vendi e ka kaluar kulmin e shpërthimit, por theksoi se duhet patur ende kujdes në lirimin e masave dhe se Spanja është ende larg fitores.
