A jeni ju fëmija i parë në familjen tuaj? Nëse është kështu, një studim i ri zbulon se ju jeni më pak të rrezikuar të pësoni një sulm në zemër sesa vëllezërit dhe motrat tuaja. Për më tepër, studiuesit suedezë, raportojnë sesa më shumë vëllezër e motra të keni në përgjithësi, aq më shumë ka të ngjarë që ata të përjetojnë një ngjarje të rëndë kardiovaskulare.
Zakonisht, kur ndodhin probleme me zemrën, mjekët pyesnin mbi sëmundjet e mamasë, babait, gjyshes dhe gjyshit, për të kuptuar nëse ndonjë nga familjarët tuaj ka pasur shqetësime të sëmundjes së zemrës. Ky studimi ri, sugjeron se mund të jetë koha që të fillojmë të marrim parasysh rendin e lindjes dhe numrin e vëllezërve dhe motrave gjithashtu.
Dhe studimi në fjalë nuk ishte një studim i vogël. Studiuesit analizuan të dhënat që kishin të bënin me 1.36 milionë burra dhe 1.32 milion gra midis moshën 30-58 vjeç duke nisur që nga viti 1990. Të gjitha ato informacione janë pjesë e Regjistrit të Brezit të Shumëfishtë në Suedi. Për 25 vjet (deri në vitin 2015), studimi gjurmoi të gjitha ngjarjet kardiovaskulare dhe koronare fatale dhe jo-fatale të atyre individëve.
Një analizë gjithëpërfshirëse e të gjitha atyre të dhënave zbuloi se ata që ishin fëmija i parë në familje,zakonisht kishin një rrezik më të ulët të ngjarjeve kardiovaskulare dhe koronare jo fatale, sesa vëllezërit e motrat e tyre më të vegjël. Lidhur me rrezikun e vdekjes, rezultatet tregojnë disa ndryshime gjinore midis fëmijëve të parë.
Meshkujt që kishin lindur të parët në familje, kishin një rrezik më të lartë të vdekjes sesa vëllezërit e motrat e lindur të dytë dhe të tretë, ndërsa femrat që kishin që në fëmija i parë i lindur në familje kishin një rrezik më të lartë të vdekjes në krahasim me vëllezërit e motrat e lindur të dytët.
Arsyeja se përse numri i vëllezërve dhe motrave ndikon në shëndetin e zemrës nuk dihet ende. Duke analizuar madhësinë e familjes, rezulton se burrat me një ose dy vëllezër dhe motra kishin në fakt rrezik më të ulët të një ngjarjeje kardiovaskulare, të ndjekur nga burrat pa vëllezër dhe motra.
Ndërkohë, ata me katër ose më shumë vëllezër e motra kishin rrezikun më të lartë. Ekipi zbuloi gjetje të ngjashme edhe në lidhje me rrezikun e vdekjes. Tek femrat, gratë me 3 ose më shumë vëllezër dhe motra, kishin një rrezik në rritje të ngjarjeve kardiovaskulare, në krahasim me gratë pa vëllezër dhe motra.
Gratë me 2 ose më shumë vëllezër dhe motra, kishin një rrezik në rritje të ngjarjeve koronare, dhe femrat me 1 ose më shumë vëllezër dhe motra, kishin një rrezik më të ulët të vdekjes. Në fund të fundit, ky studim është i natyrës vëzhguese, ndaj nuk mund të krijojë një lidhje për këto prirje.
Gjithsesi, autorët e studimit ekzaminuan gjatë përpilimit të rezultateve një numër faktorësh duke përfshirë statusin socio-ekonomik, mbipeshën, diabetin, sëmundjen kronike të mushkërive (COPD) dhe alkoolizmin. “Nevojiten më shumë studime për të kuptuar lidhjet midis numrit të vëllezërve dhe nivelit të rezultatet shëndetësore.
Studimi i ardhshëm duhet të synojë të gjejë mekanizma biologjikë apo socialë, që e lidhin statusin e fëmijës së parë të lindur në familje me një rrezik më të ulët të sëmundjes kardiovaskulare, siç tregohet edhe nga gjetjet tona”- shprehen autorët e studimit në një njoftim për mediat. Studimi u publikua në revistën “BMJ Open”.
Burimi i lajmit: https://www.studyfinds.org/how-many-siblings-heart-disease/
Përshtatur nga TIRANA TODAY
