Shumë prej nesh preferojnë që ta nisin ditën me një kafe me qumësht. Por, a e keni menduar ndonjëherë nëse ato janë të dëmshme për shëndetin tonë?
Kjo varet nga masa e laktozës dhe kafeinës, si dhe nga mënyra se si reagon trupi ynë ndaj tyre. Kështu, shumë njerëz vuajnë nga paaftësia për të reduktuar/tretur sheqerin e qumështit (laktozën). Kjo e fundit, me ndihmën e latazës (enzima që e shpërbën laktozën) në traktin e tretjes shpërbëhet në pjesë përbërëse. Në qoftë se në organizëm mungon laktaza për procesin në fjalë, laktoza e shpërbërë arrin në zorrë të trashë ku prodhon acide dhe gazra.
Këto simptoma mund të ndryshojnë në dhimbje të barkut, spazma, fryrje, vjellje, probleme me gazra dhe diarre, gjë që në mënyrë të konsiderueshme ndikon në cilësinë e jetesës së njeriut. Nëse i keni simptomat e mësipërme, pasi konsumoni qumësht, apo produkte të tij, bëni mirë të kryeni testin e intolerancës ndaj laktozës.
A jeni metabolizues “të shpejtë” apo “të ngadaltë” të kafeinës? Kafeina në sasi të vogla ndikon pozitivisht, por nëse e konsumoni në sasi të madhe, duhet ta dini se ajo mund ta ketë një efekt toksik. Disa njerëz janë metabolizues “të shpejtë” dhe disa “të ngadalshëm” të kafeinës.
Personat me gjenomin polimorfik CYP1A2 e kanë një metabolizëm të ngadaltë të kafeinës dhe si rezultat edhe rrezik nga sulmi në zemër. Nëse i përkisni këtij grupi të njerëzve, 2-3 filxhanë të kafesë mund ta rrisin rrezikun për tri herë, ndërsa këto rezultate janë regjistruar veçanërisht tek pacientët më të rinj se 59 vjeç, shkruan telegrafi.
Duke e përcaktuar kapacitetin trashëgues në metabolizmin e kafeinës, çdokush mund ta përshtatë sasinë e kafesë së konsumuar për tipin e vet dhe kështu të jetojë më shëndetshëm.
