Kryeministri britanik Boris Johnson është një ndër personat e shumtë që u infektua me COVID-19.
Në një intervistë për “The Sun”, Johnson rrëfeu detaje rreth gjendjes së tij shëndetësore gjatë kohës kur po luftonte me koronavirusin.
Më 26 mars ai u diagnostikua me virusin misterioz dhe u shtrua në spital 10 ditë më vonë, ku iu nënshtrua edhe kujdesit intensiv.
Johnson theksoi se ka marrë shumë litra me oksigjen për të mbijetuar…kësisoj filloi të përmirësohej nga dita në ditë derisa arriti që të shërohej plotësisht.
Kujtojmë se para disa ditësh u bë baba për herë të pestë.
E fejuara e kryeministrit, Carrie Symonds, njoftoi se e kanë pagëzuar djalin e tyre me emrin Wilfred Lawrie Nicholas Johnson, që i dedikohet gjyshërve të tij dhe dy mjekëve që e kanë trajtuar Johnson-in.
Si paraqitet situata nga COVID-19 në Mbretërinë e Bashkuar?
Autoritetet përkatëse bëjnë me dije se deri më tani numri i përgjithshëm i vdekjeve ka arritur në 28,131.
