Vendimi për prishjen e Teatrit Kombëtar ka ngjallur reagime të shumta tek aktorët dhe shoqëria civile, por ajo që bie në sy është gënjeshtra dhe mashtrimi i kreut të bashkisë Erion Veliaj.
Studimi i profesorëve italianë, që Veliaj tha në emisioni “Opinion”, se u bazua për prishjen e teatrit, në fakt është punë diplome e disa studentëve për vitin shkollor 2007-2008, të cilët kishin ardhur bashkë me profesorin A.B. Menghini në Tiranë për të punuar për projektin e tyre.
Ndërkohë Veliaj tregon se ky është një studim i profesorëve italianë të arkitekturës në vitin 2012 kur Basha drejtonte bashkinë e Tiranës
“Ne morën një studim të italianëve bërë në vitin 2012 kur Lulzim Basha ishte kryetar bashkie. Studimi i të gjithë profesorëve italianë thoshte: Ky material i teatrit i prodhuar nga Safa është një anglomerat substancash vegjetale, fibra tallashi të drurit të plepit, produkt skarco i fabrikës së shkrepëseve dhe alga deti të mbrojtur me çimento, që lejonte krijimin e një produkti me jo-përçueshmëri të mirë teknike dhje akustike. Ne nisemi me një bazë që jo histeria lokale, por profesorët më të mirë italianë të arkitekturës”-Deklaroi Veliaj.
Megjithëse ishte një punim studentësh vihej re se në asnjë faqe, të publikuar nga vetë Bashkia, nuk thonë se janë për prishjen e godinës, por për ripërdorimin e saj, ku madje një ambient e kanë propozuar ta bëjnë muze.
Gjithashtu puna e këtyre studentëve flet edhe për rikuperimin dhe zgjerimin e sheshit “Skëndërbej”, ku të kishte hapësira për ekspozita, ndërsa parkingu i bërë poshtë nuk ishte parashikuar deh rekomanduar nga puna e këtyre studentëve. Por tashmë ky është një fakt i kryer, ndërsa projekti i studentëve dhe kandidatëve për diplomim nuk e kishin sugjeruar që të kishte një parking nëntokësor, por ai të shërbente si muze.
Ndërsa në hyrje, sheshi “Skënderbej” duhet të ishte i pasuruar me drita, por edhe me shkrime historike, konkretisht godina e “Muzeut Kombëtar”, ndërsa duhet të ruante rrjedhën e kohërave dhe ngjarjeve të vendit. Punimi i mëposhtëm është një përmbledhje e punës për projektin. Modele urbane dhe Arkitektura e eksperiencës italiane ne Tirane.
Projekti i studentëve synonte rikuperimin dhe zgjerimi i ish-sheshit “Skënderbej”. Projekti është botuar në “Arkitektura moderne italiane për qytetet e Shqipërisë”, por kreu i bashkisë e prezanton punën e studentëve si të ishte e profesorëve italianë të arkitekturës. TIRANA TODAY
