Nga Lushnja në kuadër të fushatës së llogaridhënies së qeverisë, kryeministri Rama ka lëshuar paralajmërimin e një vettingu të afërt edhe për politikanë e biznesmenë
“…dua të kujtoj se ‘dardha e ka bishtin pas’. Reforma do të merret me të gjithë, politikanë e biznesmenë”, tha Rama teksa fliste për pastrimin e drejtësisë.
Duke iu referuar malit me ankesa në platformën e bashkëqeverisjes, aty ku kryeministri i ftoi dhe njëherë qytetarët që të denoncojnë padrejtësitë që mund t’u bëhen, ai tha se reforma në drejtësi është ajo që i duhet këtij vendi e që duhet shtyrë akoma dhe më tej.
“Një pjesë e ankesave që kemi marrë lidhet me proceset gjyqësore dhe kjo është arsyeja pse ne po shtyhemi fortë për të bërë reformën në drejtësi për të pastruar sistemin nga prokurorët dhe gjyqtarët e korruptuar. Një pjesë e tyre përjashtohen për shkak të mosjustifikimit të pasurisë, por mos mendoni se do të mbarojë këtu”, shtoi Rama.
