Në Komisionin Hetimor, Rama ka ironizuar deputetin e PD-së Lefter Gështenja, ndërsa debatonte ashpër me Jorida Tabakun. Në kohën kur kryetarja e Komisionit, Jorida Tabaku, e ka pyetur për 100 milionë euroshin e financuar nga buxheti i shtetit për inceneratorët, Rama i kthehet deputetit Gështenja, duke i thënë; “më lejo të thyej këto arrat e mia njëherë”.
Rama: E ka dhe këtë zërin… Ne do përqendrohemi te lekët, se këtu është problemi. Këto a e njoh unë ligjin apo jo, janë tema të tjera. Do përqendrohemi te lekët, se keni bërë hajgare gjithë këto muaj. Sot do i provoj shqiptarëve se kjo është aritmetika e delegatëve.
Plehrat përpunohen me para, jo pa para. Nuk kemi gjetur asnjë model në botë që të përpunojë plehra pa para.
Ka pasur një model dhe qenë modeli i qeverive paraardhëse, po e them në shumës. Si je z. Gështenja, më lejo të thyej këto arrat e mia njëherë. Ai po qesh mo, është i lumtur.
Tabaku: Nuk më duket normale që kryeministri vjen e merret me secilin.
Rama: Ai po qesh mo, ju duket normale që kur dëshmitari flet, t’i flasin nga salla.
