Para 18 vitesh Albin Kurti është liruar nga burgu i Nishit.
Liburn Aliu, personi me të cilin Kurti ndau qelinë, tregon për “T7” se si Kurti e kalonte kohën në burg.
Ai rrëfen se Kurti gjithnjë, gjatë kohës që qëndroi në burg shpërfaqte me të burgosurit e tjerë njohuritë dhe informacionet që kishte.
Sipas Aliut, prezenca e Kurtit ia ka bërë më të lehtë të burgosurve qëndrimin aty.
Ndër të tjera ai theksoi se Kurti nuk e kishte menduar veten në rolin e një kreu shteti: “I vetmi synim i tij ka qenë të jetë aktiv në një lëvizje qytetare për të shtyrë vendin drejt pavarësisë”.
Kujtojmë se Kurti aktualisht është njeriu më i votuar në Kosovë me 185 mijë vota nga zgjedhjet e gjashtë tetorit.
