Inagurimi i stadiumit “Air Albania” dhe ndeshja ndaj Francës ka bërë dje bashkë edhe shumë figura publike në ndenjëset e impiantit të ri.
Përveç politikanëve, dje në stadium kanë qenë të pranishëm dhe dy artistët e njohur të skenës së teatrit, Robert Ndrenika dhe Arben Derhemi.
Madhështia e stadiumit të ri ka impresionuar të gjithë, madje dhe dy artistët të cilët kanë dhënë përshtypjet e tyre. Ata kanë folur për stadiumin duke hequr një paralele dhe me teatrin, kauzën ku janë përfshirë publikisht prej kohësh. Të dy kanë shprehur haptazi dëshirën që Teatri Kombëtar të jetë po aq i bukur as stadium i ri kombëtar.
“Kam keqardhje që këta miqtë e mi nuk do lozin dot në këtë stadium për arsye të moshës, ashtu si dhe unë nuk do luaj në teatrin e ri që do bëhet. Shpresoj që të bëhet dhe ai. Do shikoj stadiumin, pastaj do komentoj ndeshjen”, tha Ndrenika duke folur për mediat në ambientet e stadiumit.
Ndërsa Derhemi u shpreh: “Teatër ëndrrash, është stadium i jashtëzakonshëm dhe shpresoj që si ky stadium të bëhen gjithçka nga sot e tutje në Shqipëri”, tha Derhemi.
Shqipëri-Francë/ Si reagoi Rama kur dëgjoi thirrjet “Rama ik”
