Shërbimet online janë pjesë e së ardhmes, por mosha e tretë është një ndër çështjet që ka prioritet. Por edhe për këtë është menduar, pasi institucionet do të kenë Call Center për këshillim. Këtë detaj e zbuloi Ministrja e Financave dhe Ekonomisë, Delina Ibrahimaj, pas përfundimit të mbledhjes së qeverisë.
Ajo ka folur dhe për rëndësinë e shërbimeve digjitale. Pyetjes se si do ti marrin shërbimet online mosha e tretë, të cilët e kanë të vështirë për t’i aksesuar këto shërbime apo ajo kategori që nuk e disponon një aparat teknologjik, Ibrahimaj tha se çdo institucion do të ketë në dispozicion Call Center. Sakaq edhe bashkëqeverisja do të angazhohet në këtë shërbim, me qëllim që t’i japë të gjithë këshillimin atyre përfituesve të shërbimeve online që të mos ketë problematika.
“Ka qenë një nga shqetësimet tona, sepse dhe mosha e tretë por edhe kategori të tjera të cilat nuk janë të njohura me shërbimet digjitale mund të kenë problematika të ngjashme. Çdo institucion do të ketë në dispozicion Call Center, Gjithashtu dhe bashkëqeverisja do të angazhohet në këtë shërbim, me qëllim që t’i japë të gjithë këshillimin atyre përfituesve të shërbimeve online që të mos ketë problematika në marrjen e shërbimeve.
Gjatë fjalës së saj, Ibrahimaj deklaroi se në Këshillin e Ministrave është miratuar një program, që dikton politikat e punësimit dhe do t’i shërbejë të gjithë punëkërkuesve.
“Ne kemi miratuar në Këshillin e Ministrave një program që ka kosto rreth 8 milionë euro që dikton politikat e punësimit, dhe do t’i shërbejë të gjithë punëkërkuesve të papunë me qëllim për të përmirësuar nivelin e tyre”.
