Një ndër shqetësimet e banorëve në Shqipëri lidhet edhe me këstet e kredisë, ndërsa të gjithë janë të izoluar në shtëpi. Kryeministri Rama u ka dhënë përgjigje të gjithë atyre qytetarëve, të cilët kanë shprehur ankesat lidhur me masat që duhen ndërmarrë.
Rama konfirmon se ka folur me Guvernatorin e Bankës së Shqipërisë, Gent Sejko, dhe se qytetarët duhet të kujdesen vetëm për shëndetin e tyre.
Për të tjerat, ai garanton se gjithçka do të marrë zgjidhje në kohën e saj. Po kështu, kryeministri tregon se si do të veprohet.
Brenda pak orëve, një grup i përbashkët pune, do të shkruajë një dokument të përbashkët, që ai dhe Guvernatori do ta firmosin, për të adresuar këtë hall që kanë me bankat.
Kryeministri kërkon durim, ndërsa krahason masat e ndërmarra nga vendi ynë me Italinë.
Statusi
? LIDHUR ME ANKESAT QË MË KANË DËRGUAR DISA PREJ JUSH, TË CILËT KANË HASUR SOT VËSHTIRËSI NËPËR BANKA PËR KËSTET E KREDIVE TË BIZNESIT QË GJENDET NË VËSHTIRËSINË E LUFTËS, SAPO KAM FOLUR ME GUVERNATORIN E BANKËS SË SHQIPËRISË
? BRENDA PAK ORËVE NJË GRUP I PËRBASHKËT PUNE DO TË SHKRUAJË NJË DOKUMENT TË PËRBASHKËT, QË UNË DHE GUVERATORI DO TA FIRMOSIM SOT PËR TË ADRESUAR QARTË DHE PRERË KËTË HALL ME BANKAT!
? RRINI TË QETË DHE BËNI DURIM, ITALIA MASAT EKONOMIKE I MORI PAS NJË MUAJI, SEPSE NUK ËSHTË 7×7=42 KJO PUNË, NDËRSA NE DO T’I KEMI GATI KËTË JAVË! KURSE BIZNESI QË KA HALLIN E KËSTEVE ME BANKAT, DO TA KETË ZGJIDHJEN SOT!
? NA I BËNI HALLALL SHQETËSIME TË TILLA DHE MOS E VINI ASNJË SEKONDË NË DYSHIM SE MUA MË KENI NË KRAH DHE ME SYTË E VESHUR HAPUR DITË-NATË PËR TË LEXUAR E DËGJUAR HALLET TUAJA!
?JU TË GJITHË JENI FAMILJA IME NË KËTË LUFTË DHE ASGJË QË DO TA BËJA PËR FAMILJEN TIME, NUK DO TA LE PA BËRË PËR JU! ME MISH E ME SHPIRT!
