Nënkryetari i LSI, Petrit Vasili, ka komentuar dy lëvizjet e fundit në qeveri. Çuçi, i cili mban detyrën e Ministrit të Bujqësisë, do të vendoset në krye të Ministrisë së Brendshme, ndërsa në vend të tij do të vendoset Milva Ikonomi.
Lidhur me këtë lëvizje, Petrit Vasili tha në “News24″, se këto janë ndryshime të parëndësishme. Madje ai shtoi më tej se Çuçi dhe Ikonomi s’kanë asnjë lidhje me PS. Për nënkryetarin e LSI, këto emra janë vetëm marioneta që zëvendësojnë njëri-tjetrin.
”Marioneta që zëvendësojnë njëri-tjetrin. Vetëm konfirmim tjetër, se të dyja ndryshimet për ata që janë militantë të PS, emra që s’kanë asnjë lidhje me PS vijojnë në marrjen e copave të pushtetit. Ndryshimi i ka bërë boll të qeshin, nga Ministria e Bujqësisë tek Ministria e Brendshme. Si çelësa kopil që hapin çdo derë”, tha Vasili.
