Gjykata e Apelit e ka vendosur shtyrjen e sencës gjyqësore ndaj deputetit demokrat, Ervin Salianji. Gjyqi i radhës do të mbahet më 9 nëntor ora 14:00, ndërsa ende nuk dihet arsyeja e këtij vendimi. Salianji ka folur pas daljes nga gjykata, për shtyrjen e seancës.
Salianji deklaroi se është gjetur sërish një sebep për të shtyrë seancën, ndërsa shpjegoi edhe prezencën e deputetëve të opozitës në sallë.
“Për të vazhduar analogjinë është në pritje çështja tjetër. U gjet sebepi për ta shtyrë sërish seancën gjyqësore. Në publik ditën e parë që është bërë denoncimi, ai që ka bërë akuzën dhe unë sot jam në gjykatë ka shkuar për të kryer dënimin e tij. Prokuroria ka bërë një paçavure.
Unë nuk e di. Kjo çështje duhet të përfundonte me shpejtësi, Çështja ka dalë për të mos pasur një rishortim. Fakti që është hedhur një short, drejtësia duhet të vazhdonte me shpejtësi. Nuk duhet të jetë avokati. Publiku pret të themi provat, dhe ne presim drejtësi të shpejtë.
Pjesëmarrja e deputetëve të opozitës në seancë gjyqësore është inkurajim për drejtësinë. Nuk kanë asgjë deputetët e opozitës përveç fjalës. Maxhorancat dhe qeveritë bëjnë presione ashtu si ka ndodhur në këtë rast”, tha Salianji.
Deputeti Ervin Salianji u dënua në dhjetor të vitit 2019 me 1 vit burg nga Gjykata e Tiranës, me akuzën e “kallëzimit të rremë”. Në arsyetimin e saj, Gjykata theksoi se ai ka krijuar prova me qëllim implikimin e vëllait të ish-ministrit të Brendshëm, Fatmir Xhafaj, në një çështje trafiku droge në Vlorë.
