Komisioni për Reformën Zgjedhore ka zhvilluar mbledhjen e parë me nisjen e sesionit të ri parlamentar. Mandati i Komisionit të Reformës Zgjedhore do të shtyhet me 6 muaj.
Në mbledhjen e sotme, anëtarët e mazhorancës dhe opozitës në Komision kanë rënë dakord që t’i depozitojnë Kuvendit kërkesën për të shtyrë afatin. Mandati do të shtyhet deri në 10 mars 2023.
Ndër të tjera u miratuan edhe ekspertët. Ata janë; Viktor Gumi, Shila Ballhysa, Eridian Salianji, Eris Çela, Indrit Sefa, Silva Caka, Arjan Madhi dhe Shkëlqim Sulo.
Ekspertët do të japin mendimin e tyre mbi Kodin e ri Zgjedhor. Kjo reformë është e rëndësishme, duke qenë se vitin e ardhshëm do të zhvillohen zgjedhjet vendore për kryetarë Bashkie.
