Brexit do të shtyhet deri në 31 janar të vitit 2020. Mirëpo, presidenti i Këshillit Evropian, Donald Tusk u shpreh se Britania e Madhe mund të largohet nga Bashkimi Evropian edhe para afatit të fundit, nëse marrëveshja arrihet të miratohet në Parlament.
“Ishte një takim i shkurtër dhe efikas dhe unë jam i lumtur me vendimin e marrë”, tha Michel Barnier, negociatori i BE-së për Brexitin.
Britania e Madhe do të dilte nga blloku të enjten, siç ishte planifikuar, por Johnson u detyrua të kërkonte një shtyrje pasi Parlamenti nuk mbështeti marrëveshjen e tij për Brexitin.
E gjithë kjo vjen në një kohë kur deputetët përgatiten të votojnë propozimin e Boris Johnson për zgjedhje të parakohshme më 12 dhjetor.
Më herët, kryeministri Johnson ka thënë se Britania e Madhe do të dilte nga BE më 31 tetor, me apo pa marrëveshje, por ligji kërkon nga ai të pranojë ofertën e BE-së për shtyrje.
