Ish-deputetja e Partisë Demokratike, Albana Vokshi ka reaguar pas procesit të zgjedhjeve duke u shprehur se opozita i ka regjistruar të gjitha parregullsitë në votime.
E ftuar në rubrikën “Opinion” në News24, Vokshi i është drejtuar KQZ-së me nota të ashpra duke i akuzuar ata se kanë shtuar mbi 100 mijë votues brenda një ore.
Pjesë nga deklarata e saj:
“Kemi regjistruar parregullsitë, presionet, shitblerjet e votave, numrat e shtuar nga ana e KZAZ dhe KQZ që vepron si kamikaze politike e Ramës. Kemi fotografuar dhe faktuar çdo parregullsi. Do t’i bëjmë evidente dhe kushdo që është përfshirë në parregullsi duhet të shkojnë para ligjit. Çdo punonjës i administratës ka pasur një kod të veçantë, kanë qenë të detyruar dhe shantazhuar me heqje dhe pushim nga vendi i punës. Vumë re që votuan të vetëm dhe nuk i morën familjarët. Në orët e fundit kur nuk po i bënin më numrat KQZ ka shtuar mbi 100 mijë votues nga ora 18:00 në 19:00”.
