Prej shfaqjes së variatit Delta në vendin tonë, janë rritur ndjeshëm rastet me COVID dhe shtrimet në spitale. Duke parë situatën e përkeqësuar, me shtimin e frikshëm të infektimeve, Komiteti Teknik i Ekspertëve ka ndryshuar masat duke nisur nga orari i izolimit e deri tek vaksinimi i detyrueshëm për disa kategori.
Zv.ministrja e e Shëndetësisë, Mira Rakacolli, gjatë mbledhjes së sotme të Komitetit Teknik të Ekspertëve bëri publike masat e reja që janë marrë në kuadër të fushatës së parandalimit të përhapjes së COVID-19.
“Komiteti ka ndjekur dinamikën e situatës epidemiologjike. Indikatorët gjatë kësaj jave kanë treguar tendencë përkeqësimi, numri i rasteve ditore e cila nga 86 ka shkuar në 300 për 100 banorë, një rritje e ndjeshme kjo. Kemi marrë masa: Nga 1 shtatori ora policore nga 24:00-06:00 do shkojë në 23:00 -06:00.
Kush hyn në Shqipëri, duhet të plotësojë një nga këto kushte: Pasaportë vaksinimi jo më e vonë se 2 javë nga bërja, test pcr brenda 48 orëve, provë e kaliumit të infektimit jo më shumë se 6 muaj. Ata që skanë një nga këto dokumenta, duhet të izolohen. Vaksinimi i detyruar për grupet më të riskuara: Stafe mjekësore, arsimtarë dhe studentë”, tha Rakacolli.
Ministrja e Shëndetësisë Ogerta Manastirliu, u shpreh se vaksinimi do të bëhet me detyrim për një pjesë të qytetarëve.
“Shifrat e ditëve të fundit nga vendet e rajonit janë të dhimbshme, janë nga më të larta qysh prej fillimit të pandemisë, varianti i ri Delta po vërteton se ky është një variant me infektueshmëri më të lartë se virusi në formën e tij fillestare.
Delta po përhapet me një shpejtësi të frikshme, dhe po infekton njerëz që për asrye të ndryshme nuk e kanë bërë vaksinën. Pandemia tashmë po quhet e të pavaksinuarve. Vala e re e COVID ka mbërritur më herët se vjeshta.
100 të shtruar në spitale, 17 prej tyre në terapi intensive. Kush nuk është vaksinuar, po rrezikon seriozisht. Mes moshave të reja ka raste të formave të rënda të sëmundjes.
Sot qasjet indiferente ndaj thirrje për t’u vaksinuar, dhe mosvaksnimi janë thjeshtë të papranueshme. Mosvaksnimi bëhet një pengesë e rrezikshme në përballjen e valës së re të infektimeve. Shpejtësia e futjes në fushatën e vaksinimit. Zërat më autoritar të shkencës janë unanime; vaksina shmang format më të rënda të sëmundjes. Nuk është thjeshtë një zgjedhje personale, nuk është rasti klasik ‘ç’punë ke ti me trupin tim’, pasi vë në rrezik jo vetëm jetën e kujt refuzon, por edhe të familjarëve, miqve dhe komitetit. Shtatori do jetë muaji i dytë i hapur për vaksinimin. Vaksinimi me detyrim po shihet për një pjesë të qytetarëve”, tha Manastirliu.
