Sipas Eurostat, 26% më shumë shqiptarë kërkuan azil për herë të parë në një nga vendet e BE në 2019.
Në lidhje me këtë raport ka reaguar edhe ish-deputetja demokrate, Albana Vokshi, për të cilin u shpreh se nëse nuk nuk ndalin Ramën, Shqipëria do të zbrazet.
Përmes një postimi në “Facebook”, ish-deputetja shkruan se Shqipëria gjatë qeverisjes së Edi Rama renditet vendi i parë i Evropës për nga numri i lartë i azilantëve.
Ndër të tjera, ajo iu bën thirrje të gjithë qytetarëve shqiptarë që të bashkohen, me qëllim për të larguar Ramën nga pushteti.
“26% më shumë shqiptare kërkuan azil për herë të parë në një nga vendet e Bashkimit Europian gjatë 3 muajve të parë të 2019-s sipas Eurostat. Shqipëria gjatë qeverisjes se Edi Rama rënditet vendi i parë i Europës për nga numri i lartë i azilantëve, sipas shifrave të Eurostat.
Nëse nuk e ndalim sot Edi Ramen, Shqipëria do të zbrazet! Ky është plani i Edi Ramës: Largimi i shqiptarëve të ndershëm dhe dorëzimi i Shqipërisë dhe pasurive të saj krimit dhe oligarkëve.
Është koha të jemi të gjithë bashkë. Edi Rama, kriminelët dhe oligarkët e tij, duhet të largohen, jo shqiptarët. Boll më me Shqipërinë që duan ato. Është koha për Shqipërinë e të gjithë shqiptarëve”, deklaroi Vokshi.
