Nga 1 tetori, në listën kalendarike të vaksinimit do të shtohet edhe një e re. Ministrja e Shëndetësisë, Ogerta Manastirliu, gjatë një takimi me strukturat vendore të shëndetësisë deklaroi se kalendarit të vaksinimit në vendin tonë i është shtuar edhe një vaksinë tjetër.
Bëhet fjalë për vaksinën e re të Rotavirusit, ndërsa kërkoi nga institucionet të respektojnë urdhrin dhe të verifikohen kartelat për fëmijët 0-18 vjeç.
“Duhet të ketë sensibilizim te institucioneve per vaksinimin. Duhet të zbatohet urdhri per vaksinimin, dhe të verifikohen kartelat për fëmijët 0-18 vjeç. ISHP do ta monitorjë këtë plan, përmes strukturave të veta, pasi në zona të caktuara ka disa problematika. Ndaj është e nevojshme që nga verifikimet që do të bëhen në strukturat arsimore, të bëhen vlerësime të situatës.
Duam të rishikojmë, dhe sita do të vihet në gjithë struktuarat tona arsimore për kalendarin e vaksinimit. Qeveria shqiptare ka investuar në programin e vaksinimit. Deri më sot ne kemi 11 vaksina në kalendar. Nga 1 tetori i këtij viti do të shtojmë në kalendarin e vaksinimit vaksinë e re të Rotavirusit. Sot Shqipëria ka një mbulesë vaksinale mbi 90 %. Por nuk duhet të humbin vigjilencën”, tha Manastirliu.
