Një shtetas është vënë në pranga, pasi lëvizte me dokumente të falsifikuara, për t’i shpëtuar karantinës. Policia, në vijim të kontrolleve për zbatimin e masave kufizuese, kanë bërë arrestimin në flagrancë të shtetasit me inicialet Z. Gj. 42-vjeç, banues në Tale, Lezhë.
Në vendin e quajtur Shtoj i Ri, Shkodër, duke drejtuar mjetin tip Audi, ai ështe ndaluar për kontroll të autorizimit për lëvizje.
Ky shtetas u ka paraqitur punonjësve të policisë një dokument dhe distinktiv të “Europolice”.
Nga verifikimet paraprake me Europolin, rezulton se këto dokumente janë të falsifikuara. Po kështu është ndëshkuar me masë administrative edhe pasagjeri, pasi ka thyer rregullin e vetë-karantinimit.
Njoftimi
Shkodër
Përdorte dokument të falsifikuar për të qarkulluar gjatë orarit për qëndrim në banesë, në kuadër të masave kufizuese për mospërhapjen e COVID-19, arrestohet në flagrancë nga shërbimet e Policisë.
Ndëshkohet edhe pasagjeri, me masë 10.000 lekë, për thyerje të rregullit të ndalimit të lëvizjes për këmbësorë pas orës 13:00, pa ndonjë aryse.
Strukturat e DVP Shkodër, në vijim të kontrolleve për zbatimin e masave kufizuese, kanë bërë arrestimin në flagrancë të shtetasit: Z. Gj. 42 vjeç, banues në Tale, Lezhë.
Arrestimi i tij u bë pasi, në vendin e quajtur Shtoj i Ri, Shkodër, duke drejtuar mjetin tip Audi, u ndalua nga shërbimet e Policisë për kontroll të autorizimit për lëvizje. Ky shtetas u ka paraqitur punonjësve të Policisë një dokument dhe distinktiv të “Europolice”.
Nga verifikimet paraprake me Europolin rezulton se këto dokumente janë të falsifikuara.
Gjithashtu, është ndëshkuar me masë administrative, për moszbatim të Aktit Normativ Nr. 3, datë 15.03.2020 “Për masat ndaj COVID-19”, pasi ka thyer rregullin e vetëkarantinimit, edhe pasagjeri që udhëtonte me shtetasin e arrestuar në flagrancë.
Materialet iu referuan Prokurorisë së Rrethit Gjyqësor Shkodër, për veprat penale “Falsifikimi i dokumenteve” dhe “Përvetësimi i titullit apo i detyrës shtetërore”.
