Në konferencën e përjavshme me gazetarët, Berisha u shpreh se me procesin e dhënies së shtetësisë me koncension dhe pasaportën e artë, kryeministri Rama shndërron Shqipërinë në një vend të rrezikshëm për qytetarët e saj dhe jo vetëm.
Ish-kryeministri Berisha e konsideron skemë mashtrimi nismën e qeverisë për të dhënë me koncesion shtetësinë. Ai paralajmëroi Ramën se opozita nuk do ta njohë këtë praktikë të dhënies së pasaportave. Berisha i ka mëshuar fort faktit, për të mos rënë pre e një skeme të madhe mashtrimi.
“Paralajmëroj Edi Ramën se këto praktika kanë një qëllim të dytë, bllokimin e procesit të integrimit ne BE. Është e vërtetë që konferenca e parë ndërqeveritare është mbajtur, është e vërtetë që negociatat nuk janë hapur në kuptimin që do shqyrtohen në një konferencë të dytë.
Ka një mënyrë për ta shtyrë në kalendar konferencën e dytë, është kjo që bën Rama me pasaportën e artë dhe dhënin me koncesion të shtetësisë.
E paralajmëroj në mënyrë serioze se këto praktika do të kundërshtohen me të gjithë potencialet që ka opozita.
Paralajmëroj çdo person, aplikimi mbi bazën e kësaj praktike nuk do të njihet nga opozita. Ndaj mos bien pre e një skemë të madhe mashtrimi.
Ky është qëndrimi i PD-së ndaj këtij procesi në të cilën Rama kërkon të forcojë pushtetin e tij përmes drogës”, tha Berisha.
