Shqipëria

Shtesat e pallatave, zv.ministri Shkreli: U rezistojnë tërmeteve


               Publikuar në : 22:47 - 22/09/19 Enno

Artan Shkreli, zëvendësministri i Ministrisë së Infrastrukturës dhe Energjisë shprehet se shtesa e pallateve, Shkreli janë problematike vetëm nëse nuk janë ndërtuar nga inxhinierë të aftë, pasi shtesat janë objekte që kanë bazament me lartësinë që ka.

“Ky tërmet ishte një provë për konstruktorët shqiptarë të 20 viteve të fundit, për hir të vërtetës objektet janë të sigurta nga ana konstruktive, nuk ka vend për panik, qoftë edhe në objektet e larta. Ky tërmet duhet të shërbejë për fuqizimin e normave termike të cilat kanë mbetur në nivelin e 0.18, ku sot kanë shkuar në 02 orë deri në 024 sipas eurokodeve, do të jetë një nxitje për qeverinë që të çojë më para normat sizmike”, – tha ai.

Për sa i përket krisjeve të ndërtesave, Shkreli tha se ata që kanë krisje të rrezikshme që janë diagonale duhet t’i denoncojnë, ndërsa ato vertikale që bashkohen me trarët nuk janë të rrezikshme. I pyetur për ndërtimet e viteve ’60 te Shallvaret, pasi janë bërë punime në katet e poshtme dhe duhet një ekip ekspertësh për t’i verifikuar.

“Ndërsa për pallate parafabrikate kanë qenë të kolauduara nga pikëpamja e betonit, kështu nuk ka dyshim për paretet e betonit dhe mënyrat e lidhjeve, janë bërë me kushtet e lidhjes së ’89 dhe durojnë deri në 7.5 ballë. Të gjitha fletët kanë pësuar plasaritje, por nuk ka kompromentuar aftësinë mbajtëse”.

Për pallatet e reja për sa i përket mungesës së fugës sizmike, Shkreli pohon se për objektet që kanë një gjatësi 30-40 m, konsiderohet që pavarësisht se është një ndërtim unik duhet ndarë në tre pjesë seksionet e këtij pallati, në mënyrë që vala sizmike është në gjatësinë pallatit të mos e çajë pallatit, por nëse pallati është i çarë nga konstruktori, këto dy pjesë lëkundën pavarësisht nga njëri-tjetri.

“Pallate që nuk e kanë fugën sizmike mund të kenë pësuar goditje. Për këtë janë ngritur grupet e punë, ministrja Balluku ka bërë thirrje ndërtuesve dhe konstruktorëve të jenë në dispozicion për sa i përket inspektimit të objekteve. Shumë shpejt do të dalim me një raport se cilat janë problemet në Tiranë, sepse Tirana e pësoi më shumë nga ky tërmet, pavarësisht se në Shijak janë 16-17 banesa të pabanueshme, po Tirana duke qenë qytet i madh dhe problematikat nga më të paimagjinueshmet mund të ketë shumë të dhëna që do t’i bëjmë shpejt me dije”, tha ai për ATSH.

Kthehu
WhatsApp Denonco ne TT