Shtëpia e Messit problem në Spanjë, presidenti: Avionët duhet ta devijojnë atë

Presidenti i një linje ajrore në Spanjë pretendon se aeroporti i Barcelonës nuk është në gjendje të zgjerohet pasi aeroplanët nuk lejohen të fluturojnë mbi shtëpinë e Lionel Messit. Shefi i Vueling, Javier Sanchez-Prieto, pretendon se zona e Castelldefels, ku Messi dhe yjet e tjerë të Barcelonës jetojnë në periferi të Barcelonës, ka një kufizim mjedisor mbi të raporton Marca.

Është pohuar se aeroporti i Barcelonës nuk mund të zgjerohet pasi aeroplanët nuk mund të fluturojnë mbi shtëpinë e Lionel Messit, e cila është vendosur vetëm 10 km larg aeroportit, një nga më të ngarkuarit në Evropë.

Drejtuesit e linjës ajrore shpresonin të shtonin më shumë pista, me qëllim që të lejonin lëvizjen shtesë brenda dhe jashtë qytetit. Por Sanchez-Prieto thotë se zgjerimi i propozuar nuk mund të ndodhë “sepse nuk mund të kalosh atje ku jeton Messi”. Presidenti i shqetësuar shtoi: “Kjo nuk ndodh kudo tjetër në botë.”

Castelldefels është vetëm 12 milje larg stadiumit “Camp Nou” dhe ka pamje mahnitëse, ku bleu shtëpi kohët e fundit edhe Philippe Coutinho. Ivan Rakitic zbuloi vitin e kaluar se Messi kishte blerë shtëpinë e të afërmit të tij, thjesht sepse ai “donte të ishte vetëm”.