Në vitin 2017 u qarkullua një listë me emrat e të gjithë prokurorëve të cilëve Ambasada e Shteteve të Bashkuara në Tiranë u kishte ndaluar vizat, ku vendin e parë e zinte ish-prokurori i Përgjithshëm, Adriatik Llalla.
Si persona jo të pëlqyer dhe që ju ndalua viza, ishte edhe shefi i Task Forcës së Shkodrës, Saimir Bahiti, si edhe bashkëshortja e tij, prokurorja e Tiranës, Elfrida Bregova. Të dy, para se të uleshin në këto poste, kanë deklaruar se kanë qënë në emigracion.
Nëse analizohet pasuria e çiftit, të ardhurat e vetme i kanë nga paga, ndërkohë që në vitin 2012 kanë blerë një shtëpi që kushton 104 mijë euro. Burimin e financave e kanë justifikuar me argumentin se kanë marrë hua dhe kredi bankare.
Më poshtë po sjellim pasurinë e deklaruar nga prokurorja Elfrida Bregova, sipas të dhënave të Open Spending Albania.
Pasuria e deklaruar ndër vite:
Në deklaratën fillestare të vitit 2006 ajo ka deklaruar depozitë bankare në emër rë bashkëshortit Saimir Bahiti, të ardhura si studente e magjistraturës në shumën 928 800 lekë,
Në deklaratën e vitit 2006 ajo ka deklaruar pagën në shumën 2017 306 lekë
Në vitin 2007 ajo ka deklaruar depozitë bankare në emër të bashkëshortit në shumën 140 000 lekë, të ardhurat nga paga si prokurore në Tiranë, në shumën 780 000 lekë.
Në vitin 2008 ajo ka deklaruar depozitë bankare në emër të bashkëshortit Saimir Bahiti në shumën 500 000 lekë, të ardhura nga paga si prokurore në Kavajë në shumën 711 800 lekë.
Në vitin 2009 ajo ka deklaruar llogari bankare në emër të bashkëshortit në shumën 469 400 lekë, të ardhurat nga paga si prokurore në Kavajë në shumën 776 165 lekë.
Në vitin 2010 ajo ka deklaruar shtesë në depozitën bankare të bashkëshortit në shumën 567 123 lekë, të ardhura nga paga dhe shpërblime si prokurore në Kavajë dhe më pas në Tiranë në shumën 860 263 lekë.
Në vitin 2011 ajo ka deklaruar shtesë në depozitën bankare të bashkëshortit në shumën 350 000 lekë dhe të ardhura si prokurore në shumën 893 092 lekë.
Në vitin 2012 ajo ka deklaruar shtëpi banimi që kushton 104 000 euro.
Burimi i krijimit: 3 milion lekë të tërhequra nga depozita bankare e bashkëshortit Saimir Bahiti, huamarrje në vlerën 50 mijë euro, huamarrje në vlerën 3 milion lekë, huamarrje në vlerën 1 200 000 lekë, të ardhura nga paga në shumën 1 016 972 lekë si dhe kredi bankare në shumën 20 000 euro.
Në vitin 2013 ajo ka deklaruar të ardhurat nga paga si prokurore në Tiranë dhe raportet e lindjes në shumën 706 546 00 lekë, të ardhura nga paga si prokuror të bashkëshortit Saimir Bahiti në shumën 1 152 786.
Në vitin 2014 ajo ka deklaruar se ka blerë një automjet Peugeot, në emër të bashkëshortit, në shumën 170 000 lekë, gjendja nga paga në llogarinë rrjedhëse në shumën 27 692 17 lekë, gjendja nga paga e bashkëshortit në shumën 5 614 lekë, pagën si prokurore në Tiranë në shumën 1 122 723 lekë, pagën e bashkëshortit si prokuror në shumën 1 154 393 lekë.
Në vitin 2015 ajo ka deklaruar gjendjen në llogaritë ku hidhen pagat si dhe pagat si prokurorë.
Në vitin 2016 ajo ka deklaruar gjendjen në llogarinë rrjedhëse në shumën 105 419 47 lekë, gjendjen në llogarinë rrjedhëse të bashkëshortit në shumën 325 88 lekë, pagën si prokurore në Tiranë në shumën 1 068 384 69 lekë dhe pagën e bashkëshortit si prokuror në shumën 1 426 297 lekë.
VIZION PLUS
