Nga Klodian Tomorri
Kryeministri Edi Rama dhe ministrja e Infrastrukturës Belinda Balluku shpallën garën 1.2 miliardë euro për ndërtimin e rrugës Milot-Fier duke e cilësuar materializimin e projektit si një sukses të paprecedentë të qeverisë shqiptare. Por përtej vetëlavdërimit të qeverisë, çelja e garës së koncesionit ngre natyrshëm disa pyetje.
1-Kush e ka bërë studimin e fizibilitetit ekonomik të rrugës, kompania private apo konsulenti i pavarur?
2-Nëse studimin e ka bërë konsulenti i pavarur, cili është ai dhe si është përzgjedhur?
3-Kush janë personat e Komitetit të Vlerësimit Strategjik, që kanë diktuar projektin dhe studimin e fizibilitetit?
4-A po respektohen standardet e rrugës sipas miratimit që ka bërë Western Balkans Investment Framework dhe që ka miratuar ARRSH për këtë projekt?
5-Sa parashikohet kosto e shpronësimeve dhe kush e paguan atë?
6- Si mundet një rrugë e kategorisë B vetëm 115 kilometër e gjatë, pjesa më e madhe e së cilës është e ndërtuar sakaq, të kushtojë 1.2 miliardë euro?
7- Sa është shifra reale e detyrimeve kontingjente që merr përsipër buxheti për rrugën?
Keto jane pyetjet te cilave kreu i qeverise dhe ministrja e Infrastruktures duhet t’u kishin dhene pergjigje sot kur shpallen garen. Por ata nuk i japin dot kete pergjigje dhe arsyeja eshte e thjeshte. Studimin e fizibilitetit per Milot-Fier e ka bere kompania qe do te ndertoje rrugen. Ajo eshte grekja Terna S.A. Kjo e ben koncesionin praktikisht nje propozim me oferte te pakerkuar. Rrjedhimisht koncesioni eshte i paligjshem sepse ligji shqiptar i ndalon ofertat e pakerkuara ne infrastrukture.
Pra nuk ka konsulent te pavarur per fizibilitetin ekonomik. Nuk ka Komitet Strategjik qe ka vleresuar projektin. Gjithcka eshte bere nga vete kompania greke. Pertej kesaj, propozimi ka ulur standardin e rruges ne kategorine B dhe ka fryre koston ne 1.2 miliarde euro. Mbi koston e fryre eshte percaktuar tarifa rekord e kalimit 7.5 euro per 100 kilometer. Keto jane pyetjet qe kerkojne pergjigje tani, por ne vijim do te kete te tjera. Sepse nje veper 1.2 miliarde euro, qe nis me devijime te medha ligjore ngre shume pyetje.
