Europol ka nisur një që nga dita e sotme një strategji për të kapur të arratisurit më të kërkuar në Evropës. Një nga strategjitë e Europol është kontrolli dhe shpërndarja e profileve të tyre që gjenden në rrjetet sociale.
Midis autoriteteve të shumta evropiane, ato që do të kenë rol në këtë drejtim janë edhe autoritetet qipriote. Shpërndarja e profileve të të arratisurve në rrjetet sociale, kryesisht si Facebook mendohet se mund të rrisë shanset për kapjen e tyre.
Duke marrë indice nga Kampionati Botëror, Europol e ka cilësuar garën e hapur për kapjen e të arratisurve si “Kupa më e kërkuar në të gjithë Evropën”.
Qëllimi i gjithë garës është që pjesëmarrësit të mbledhin profilet e të gjithë 25 të arratisurve dhe me ta pjesëmarrësit mund të formojnë ekipin e kriminelëve më të kërkuar në gjithë Evropën.
Të gjitha profilet dhe kartat janë të hapura duke futur kodet e gjetura në mediat sociale. Gjithsej ekzistojnë nëntë kode dhe secili kod do të zbulojë dy ose tre lojtarë. Kodet do të shpërndahen rastësisht përmes profileve të mediave sociale nga agjencitë evropiane të zbatimit të ligjit dhe Europol.
Futja e kodeve në faqen e internetit zbulon kriminelët. Secili pjesëmarrës do të konsiderohet se ka përfunduar lojën vetëm kur kanë gjetur të gjithë lojtarët. Pastaj do të jenë në gjendje të shpërndajnënë rrjetet sociale ekipin e tyre të përfunduar me të gjithë lojtarët që nevojiten.
Loja filloi mëngjesin e kësaj të enjtjeje në orën 9 në Qipro, ndërsa kodi i parë do të jepet për më të kërkuarit në Qipro, Finlandë dhe Francë.
Policia në Qipro nuk dëshironte të zbulonte se cili është i kërkuari nga autoritetet qipriote që do të përfshihet në konkurs. Duke kryer një kërkim të thjeshtë në faqen e Europol të shfaqet edhe i shumëkërkuari shqiptar Aleks Burreli, i njohur ndryshe edhe si Gani Burreli.
Aleks Burreli besohet se është njëri nga vrasësit, të cilët qëlluan për vdekje biznesmenin Phanos Kalopsidiotis, një oficer policie dhe gruan e tij. Ndërsa plagosën rëndë një oficer tjetër të policisë ndërkohë që ishin duke ngrënë së bashku në një restorant të Ayia Napa të Qipros në qershor të vitit 2016.
Nga shkëmbimi i zjarrit midis oficerëve të policisë, mbeti i vrarë edhe bashkëpunëtori i Burrelit, Jani Vogli i cili mendohet se u vra gabimisht nga vetë Aleks Burreli.
Menjëherë pas ngjarjes Burreli u arratis me një makinë e cila u gjet më vonë nga policia. Sipas Europol, i dyshuari kishte synim për të kryer vrasje të tjera në Qipro si pjesë e rrjetit të kriminelëve që organizuan vrasjen në Ayia Napa.
LEXO EDHE: Vranë policin, biznesmenin dhe shqiptarin/Qipro arreston serbët, dështon me Burrelin
Nga lotaria për kapjen e të shumërkuarit midis tyre edhe shqiptarin Burreli, do të shpallen 25 fitues më 20 korrik. Çmimi për të gjithë fituesit do të jetë një çantë nga Europol. Sipas Europol, me këtë gjest duan që t’i tregojnë kriminelëve kartonin e kuq.
“Mos lejoni që ata të fitojnë! Këta kriminelë kërkohen për vepra shumë serioze, siç janë vrasja, grabitja e armatosur, mashtrimi apo trafikimi i drogës”.
Kur të përfundojnë ekipin, pjesëmarrësit do të njohin fytyrat dhe krimet e disa prej kriminelëve më të rrezikshëm të Evropës.
“Kur t’i shpërndani rezultatet tuaja në mediat sociale, bëjuani të ditur miqve dhe ndjekësve tuaj se kush janë të arratisurit. Sa më shumë njerëz të shohin fytyrat e kriminelëve, aq më i madh është shansi që ndonjëri prej jush të jetë në gjendje të na japë informacionin e rëndësishëm për t’i gjetur dhe arrestuar kriminelët e rrezikshëm”, shkruan Europol.
PËRSHTATI TIRANA TODAY
