Një 18-vjeçar shqiptar ka ngritur në këmbë britanikët të cilët kanë kundërshtuar me forcë vendimin për dëbimin e tij drejt Shqipërisë.
Bëhet fjalë për të riun Samet Mata i cili ka kërkuar azil në Britaninë e Madhe.
Kërkesa e tij është refuzuar nga zyra e Emigracionit.
I menjëhershëm ka qenë reagimi nga ana e britanikëve.
Ata kanë nisur një peticion ndaj qeverisë, ku kërkojnë që shqiptari të mos dëbohet.
Plot 11 mijë qytetarë britanikë kanë firmosur peticionin, ndërsa fushatës i është bashkuar edhe aktori i famshëm, Joe Sims.
“Ai meriton të realizojë ëndrrën e tij, të qëndrojë këtu për t’u bërë marangoz”, tha Sims.
Jeta e Sametit në Shqipëri raportohet se ka qenë e vështirë.
Ai deri 11 vjeç ishte i detyruar të lypte në rrugë dhe në moshën 15-vjeçare ishte bashkuar me të atin në Bruksel, një shpërndarës droge dhe trafikant.
