Policia italiane ka arrestuar një murator shqiptar. Raportohet se është hetuar prej disa javësh nga policia në Rocca di Papa.
Identiteti i 50-vjeçarit nuk është bërë ende publik. Mediat italiane raportojnë se shqiptari punonte me një furgon të cilin e përdorte për të shitur kokainë të cilësisë së lartë në qendrën historike dhe në zonën periferike të fshatit bregdetar Castelli Romani. Droga shitej tek të rinjtë e moshës 18-30 vjeç, por edhe tek personat më të rritur, burra dhe gra.
I njohur si punëtor ndërtimi, jetonte dhe punonte prej vitesh me familjen në Castelli Romani.
Raportohet se kishte disa muaj që kishte filluar aktivitetin e shitjes së drogës. Shqiptari kishte edhe një garazh në zonën Ariccia, ku në vendin e punës iu gjet e fshehur lënda narkotike dhe materialet për paketimin e drogës.
Shqiptarit iu sekuestruan 60 doza kokaine. Po ashtu atij iu sekuestruan edhe 5 mijë euro.
