Administrata e Trump nuk pranon të konfirmojë ose të mohojë deklaratat e kandidatit republikan Peter Lumaj, pasi ai është shprehur se ka refuzuar një ofertë pas zgjedhjeve të vitit 2016 për t’u kthyer në Shqipëri dhe për të qenë ambasador i SHBA-ve në vendin e tij.
“Nuk mund të komentojmë vendimet personale që mund ose nuk mund të kenë ndodhur,” tha Helen Aguirre Ferre, drejtoresha e Shtëpisë së Bardhë për çështjet e mediave.
Lumaj tregoi me entuziazëm interesin e administratës Trump dhe ofertën që i ishte bërë teksa ishte në një aktivitet para komunitetit republikan të qytetit në Ëest Hartford.
“Mu bë oferta. Unë jam verifikuar”– tha Lumaj, duke refuzuar komentin e mëtejshëm, duke thënë se ai nxitonte për një tjetër aktivitet.
Ai premtoi se do t’u përgjigjet pyetjeve të martën, duke u siguruar që gazetarët të kenë edhe numrin e tij të telefonit celular.
Por Lumaj nuk pranoi të përgjigjej as të martën e as një ditë më pas, duke këmbëngulur që të gjitha pyetjet të dërgoheshin me email. “Thjesht mi nisni me shkrim,” tha ai.
CT Mirror i dërgoi disa pyetje dhe mori ketë përgjigje me një mesazh në celular.
“Administrata Trump kontaktoi me mua pas zgjedhjeve të 2016, për të parë nëse isha i interesuar për pozicionin dhe unë i refuzova. Procesi ishte një vetting në vetvete. Nuk iu nënshtrova procedurave zyrtare, sepse nuk kisha asnjë interes për ta pranuar postin” shkruante Lumaj.
CT Mirror e përshkruan Donald Lu një diplomat karriere që njeh 7 gjuhë dhe që është i diplomuar në marrëdhënie ndërkombëtare dhe ai që po përfaqëson SHBA-në në Shqipëri. Ai ka mbajtur postin qysh prej 17 dhjetorit 2014.
Duke komentuar Lumajn shkruan se ka një diplomë në juridik që e lejon të marrë pjesë në gjyqet e emigrantëve.
Lumaj thotë se ai u largua nga Shqipëria në moshë të re, duke shkuar në Shtetet e Bashkuara si një refugjat dhe duke u vendosur në Nju Jork, k.
Ai jeton në Fairfield me gruan e tij dhe tre fëmijët. Ndër kandidatët për GOP për guvernator, Lumaj është mbështetësi më i zëshëm i Trump. Ai miraton qëndrimet e ashpra të presidentit kundër emigrantëve. TIRANA TODAY
