Autoritetet e Britanisë së Madhe vijojnë hetimet për aksidentin tragjik ndodhur në fund të muajit gusht, ku humbi jetën një 29 vjeçar.
Viktima identifikohet si Rajesh Chand, i cili po kalonte rrugën, kur u godit nga një makinë. Ai pësoi lëndime të rënda në kokë.
Sipas mediave britanike, Chand u përplas për vdekje nga një i ri me emrin Antonio Russo, për të cilin dyshohet se është shqiptar. Megjithatë, autoritetet nuk kanë rënë ende në gjurmët e tij.
Ndërkohë, efektivi Paul Hughes ka lëshuar një apel për të gjithë ata që kanë informacion apo bien në kontakt me 31-vjeçarin e shpallur në kërkim.
“Ky është një hetim kompleks. Hetimi ynë na ka çuar tej Ruso, i dyshuari kryesor. Unë besoj se ai është një person me kombësi shqiptare dhe besoj fuqimisht se dokumentet e identitetit të gjetura janë të rreme. Megjithatë, unë jam i sigurt se imazhi është një ngjashmëri e vërtetë e burrit që ne po kërkojmë.
Nëse e njihni këtë njeri, ose keni ndonjë informacion në lidhje me Russo, unë do t’ju bëj thirrje të kontaktoni me mua ose ekipin tim. Z.Chand u vra në rrethana tragjike dhe familja e tij ka nevojë për përgjigje”, deklaroi ai.
