Shqiptarët që lëvizin brenda vendit po zgjedhin çdo ditë e më shumë Tiranën dhe Durrësin, në perspektivë të një jete më të mirë.
Kjo konfirmohet edhe nga të dhënat e publikuara nga INSTAT për vitin 2016, ku rezulton se Tirana dhe Durrësi kanë nivelin më të lartë të migrimit.
Por, kush janë vendet që po braktisen nga shqiptarët?
Sipas INSTAT, nivelin më të lartë të migrimit e mbajnë Dibra, Kukësi dhe Gjirokastra.
Rreth 16 mijë banorë i janë shtuar çdo vit Tiranës, që rezulton qarku me rritjen më të lartë.
Pjesa më e madhe e njerëzve që kanë ndryshuar vendbanimin në pesë vitet e fundit kanë lëvizur në qendrat urbane, që në shumicën e rasteve, përfshin kryeqytetin, Tiranën.
Nga ana tjetër, Dibra, Kukësi, Gjirokastra dhe Berati janë qarqe të cilat kanë një balancë të thellë negative të migracionit të brendshëm duke pësuar flukse shumë më të larta dalëse, sesa hyrëse të popullsisë.
Lëvizja e popullsisë bëhet me synimin për një jetesë më të mirë ndërsa pjesa më e madhe e migrantëve janë nga zonat të thella, ku shpesh mungojnë shërbimet më elementare për një komunitet.
Migracioni më i lartë:
DIBRA -28 %
KUKËSI -23,8 %
Gjirokastra -23,7 %
