Një sherr masiv ndërmjet të burgosurve ka ndodhur në Avlonas të Greqisë. Siç raportojnë mediat lokale, të burgosurit janë përfshirë në një sherr masiv me njëri-tjetrin. Mediat greke bëjnë të ditur se në sherr kanë qenë shqiptarë, grekë dhe afganë, të cilët janë përleshur me njëri-tjetrin.
Deri tani raportohet se janë plagosur 10 persona nga sherri, tre prej të cilëve ndodhen në gjendje të rëndë shëndetësore. Ata janë dërguar për mjekim të specializuar. Sherr ndodhi në katin e parë të burgut, në një nga ambientet e përbashkëta.
Sakaq, autoritetet greke kanë filluar hetimet për të zbardhur ngjarjen dhe për të mësuar motivet e sherrit. Deri tani nuk ka asnjë të dhënë për gjendjen e të plagosurve shqiptarë nga sherri.
