Presidenti Meta, ka cituar sot një studim të publikuar nga “The Economist”. Sipas studimit, në vitin 2100 popullsia e Shqipërisë do të jetë vetëm 860 mijë banorë.
Kreu i Shtetit thotë se ndonëse jemi një vend i bekuar me bukuri të jashtëzakonshme dhe pasuri natyrore, për fat të keq po braktiset gjithmonë e më shumë.
Ndonëse në planin afatshkurtër qeveritë mund të përfitojnë nga emigrimi, pasi kështu ulen fiktivisht treguesit e papunësisë apo mund të rriten të ardhurat nga remitancat, në perspektivë mos-adresimi i këtij fenomeni do të kishte pasoja katastrofike.
Statusi
Shqipëria po tkurret dhe po plaket me ritme thellësisht dramatike, si asnjë shtet tjetër në Europë.
Në studimin e publikuar së fundmi nga “The Economist”, varianti pesimist parashikon që në vitin 2100, popullsia e Shqipërisë do të jetë vetëm 860 mijë banorë.
Shpejtësia e plakjes është gjithashtu tronditëse: mosha mesatare sivjet është 37.2 vjeç, por pas 10 vjetësh parashikohet të rritet në 42.1 vjeç.
Trishtim më të madh nuk mund të ketë!
Një vend i bekuar nga Zoti me bukuri të jashtëzakonshme dhe pasuri natyrore që jo shumë vende në botë i kanë, po braktiset gjithmonë e më shumë.
Edhe pse qeveritë në planin afatshkurtër mund të përfitojnë nga emigrimi pasi kështu ulen fiktivisht treguesit e papunësisë apo mund të rriten të ardhurat nga remitancat, në perspektivë mosadresimi i menjëhershëm dhe në mënyrë agresive i këtij fenomeni do të kishte pasoja katastrofike sidomos për një vend si i yni.
Koha është tani për të rikthyer shpresën dhe besimin se Shqipëria ka Diell për të gjithë dhe jo vetëm për disa.
Koha që shqiponjat të kthehen në folenë e tyre!
https://www.facebook.com/ilirmetazyrtar/posts/3285688941477356
